Aukning landsframleiðslu 0,6%

Landsframleiðsla er talin hafa aukist um 0,6% að raungildi frá 4. ársfjórðungi 2009 til 1. ársfjórðungs 2010. Á sama tíma jukust þjóðarútgjöld um 1,3%. Einkaneysla dróst saman um 0,6%, samneysla um 0,5% og fjárfesting dróst saman um 15,6% en sá samdráttur skýrist að mestu leyti af kaupum á skipum og flugvélum á 4. ársfjórðungi.

Á sama tímabili dróst bæði út- og innflutningur saman, útflutningur um 3,6% og innflutningur um 3,3%. Þessar tölur eru árstíðaleiðréttar og miðast við vöxtinn milli ársfjórðunga, ekki ára, samkvæmt frétt Hagstofu Íslands.

Á fjórða fjórðungi síðasta árs dróst landsframleiðsla saman um 9,1% frá sama fjórðungi árið áður. Fjárfesting í hagkerfinu er nú í sögulegu lágmarki  og nam á síðasta ári 14,6% af vergri landsframleiðslu, að því er fram kom í Morgunkorni Greiningar Íslandsbanka.

Sjá nánari gögn frá Hagstofu Íslands

• 2 blogg um fréttina

Bloggað um fréttina

• Ómar Ragnarsson: Þó yfir núllinu.
• Geir Ágústsson: Skuldsett opinber neysla?