Engu máli vísað til skattrannsóknarstjóra
Setja bókamerki
Skilanefndir og slitastjórnir bankanna hafa ekki vísað neinu máli til skattrannsóknastjóra í kjölfar hruns bankanna í október 2008. Þetta kemur fram í svari fjármálaráðherra við fyrirspurn Eyglóar Harðardóttur um rannsókn skattrannsóknastjóra á stórfelldum skattaundanskotum.
Eygló spurði einnig um umfang afleiðu- og gjaldmiðlaskiptasamninga frá einkavæðingu ríkisbankanna tveggja, Íslandsbanka og Arionbanka. Fjármálaráðherra gat ekki veitt þær upplýsingar, en svaraði því til að starfshópur á vegum skattayfirvalda hefði kannað umfang afleiðuviðskipta á árunum 2006 til 2008 með milligöngu banka, fjármálastofnana, starfsmanna þeirra, tengdra aðila og annarra viðskiptamanna.
Í þeirri rannsókn hefði komið fram að bankar og fjármálastofnanir hefðu ekki staðið skil á fjármagnstekjuskatti vegna hagnaðar af afleiðuviðskiptum. Jafnframt vanræktu margir viðskiptavina bankanna að gera skattayfirvöldum grein fyrir aðild sinni að afleiðuviðskiptum.
Fjármálaráðherra sagði einnig að upplýsingar um umfang kaupréttarsamninga frá einkavæðingu ríkisbankanna tveggja lægi ekki fyrir hjá fjármálaráðuneyti eða öðrum opinberum aðilum, og né heldur upplýsingar um niðurfellingar eða afskriftir lána til starfsmanna og stjórnenda.
„Eitt andlát af völdum fíkniefna er alltaf einu of mikið“
Kvikusöfnun 80% af því sem var fyrir síðasta gos
Taka þarf ákvarðanir um framtíð Grindavíkurbæjar
Ábendingar borist vegna leikskóla
Víðir gerir upp mistök frá covid-tímanum
Kílómetragjald: „Mikilvægt að málið verði klárað fyrir þinglok“
Engin læknisþjónusta á heilsugæslunni í verkfalli