Ryanair dregur úr framboði

Evrópska flugfélagið Ryanair ætlar að draga úr flugframboði um 16% næsta vetur um breska flugvelli. Skýrist það af háum sköttum og flugvallagjöldum, samkvæmt tilkynningu frá Ryanair.  Tekur breytingin gildi í nóvember og þýðir þetta að farþegum Ryanair um breska flugvelli fækkar um tvær milljónir í vetur.

Forstjóri Ryanair, Michael O'Leary, vísar til spænska fyrirtækisins BAA sem á og rekur sex breska flugvelli og segir að Ryanair muni beina viðskiptum sínum til þeirra landa sem bjóði ferðamenn velkomna í stað þess að skattleggja þá. Segir hann háa skatta í Bretlandi og há flugvallargjöld BAA fæla ferðamenn frá Bretlandi.

Þetta geti þýtt að um tvö hundruð manns missi vinnuna.