Dvínandi trú á Bandaríkin

Hagvísar í Bandaríkjunum hafa skotið fjárfestum skelk í bringu í dag, og gætir áhrifanna víða. Yfirvöld vestanhafs tilkynntu óvænt að atvinnuleysi hefði aukist, samhliða tilkynningu um hægari vöxt í framleiðslugeiranum.

Olíuverð lækkaði um meira en 4 prósent í dag, sem er mesta lækkunin í fimm mánuði. Lækkunin er að mestu rakin til hagvísanna bandarísku, en sambærilegar tölur frá Kína hafa einnig valdið vonbrigðum.

Bandaríkjadalur lækkaði verulega gagnvart japönsku jeni, og evran styrktist um 2 prósent í viðskiptum dagsins. Undanfarnar vikur hefur bandaríkjadalur sveiflast í öfugu hlutfalli við hlutabréfavísitölur. Það samband virðist nú vera að gefa eftir, en í dag féllu bæði dalur og hlutabréf. 

Neikvæðir hagvísar þykja benda til þess að hægst hafi á endurreisn efnahagsins vestanhafs.

• 1 blogg um fréttina

Bloggað um fréttina

• Sigurður Haraldsson: Bandaríkin eru ekki guð.