Spánn tekur lán

Spænska ríkið hefur lokið sölu á skuldabréfum að verðmæti 3.5 milljarða evra. Bréfin eru til fimm ára og var eftirspurn eftir þeim töluvert meiri en framboðið. Eftirspurnin var þó minni nú en í sambærilegu útboði í byrjun maí. Ávöxtunarkrafan hækkaði jafnframt lítillega.

Evran styrktist gagnvart bandaríkjadal í kjölfarið, en hefur heilt yfir veikst síðustu daga.

Matsfyrirtækið Moody's greindi frá því í vikunni að Spánn væri kominn á athugunarlista, þar sem horfur í efnahagslífi landsins væru slæmar. Í ljósi þessara slæmu horfa er talið líklegt að verr gangi að draga úr halla ríkissjóðs.

• 1 blogg um fréttina

Bloggað um fréttina

• Sigurður Haraldsson: Er fólkið með í ráðum?