Buffett gefur 1,93 milljarða dala til góðgerðarmála
Setja bókamerki
Bandaríski milljarðamæringurinn, Warren Buffett, sem ætlar að gefa 99% af eignum sínum til góðgerðarmála, hefur gefið fimm góðgerðarsamtökum hlutabréf í félagi sínu sem metin eru á 1,93 milljarða Bandaríkjadala, 242,5 milljarða króna.
Í tilkynningu til bandaríska verðbréfaeftirlitsins, SEC, kemur fram að stærstur hluti hlutafjárins, 1,6 milljarðar dala, rennur í góðgerðarsamtök hjónanna Bill og Melindu Gates en þau hjón eru miklir vinir Buffett. Í ævisögu hans kemur fram að það er vegna þess góða starfs sem þau hafa unnið í gegnum samtök sín sem hann tók ákvörðun um að gefa nánast öll auðævi sín til góðgerðarmála.
Það sem af er ári hefur Buffett, sem á og rekur fjárfestingafyrirtækið Berkshire Hathaway, 20,4 milljónir hluta í Berkshire Hathaway til stofnunar Gates hjónanna. Eru bréfin metin á um 1,6 milljarða dala.
Sherwood Foundation, Howard G. Buffett Foundation og NoVo Foundation, fengu 713 þúsund hluti hver stofnun og yfir tvær milljónir hluta runnu til Susan Thompson Buffett Foundation.
Buffett hefur hvatt fleiri auðjöfra til þess að gefa til góðgerðarmála og í síðasta mánuði brýndi hann fyrir ríkjum Bandaríkjamönnum að gefa helming eigna sinna til góðgerðarmála.
Sjötti ferðamaðurinn er látinn
Sólveig Anna furðar sig á aðferðum kennara
Hraun kemur úr þremur gígum: Virknin stöðug
Nýtt fangelsi í landi Stóra-Hrauns tilbúið 2028
Yfir 300 stæði fóru undir hraun
Fullvissa ferðamenn um að hér sé öruggt
Viðræður ekkert þokast frá því á þriðjudag