10-11 fært í Eignabjarg

Rekstrarfélag 10-11, sem verður fært út úr Hagasamstæðunni, verður fært inn í eitt eignarhaldsfélaga Arionbanka, Eignabjarg.

Samkvæmt upplýsingum á vefsíðu bankans er Eignabjargi ætlað að taka yfir eignarhluti í stærri fyrirtækjum sem bankinn eignast við fjárhagslega endurskipulagningu fyrirtækja. Eignabjarg hefur jafnframt umsjón með sölu á eignum í samstarfi við fyrirtækjaráðgjöf bankans.

Stjórnarformaður Rekstrarfélags 10-11 er Bergþór Konráðsson, starfsmaður Arionbanka. Bergþór er jafnframt stjórnarformaður Eignabjargs.