Mikil hækkun hráolíuverðs

Verð á hráolíu sveiflaðist mjög í dag en jákvæðar fregnir af afkomu banka höfðu áhrif til hækkunar. Í New York hækkaði verð á hráolíu til afhendingar í september um 2,39 dali tunnan og er lokaverðið 81,34 dalir tunnan. Er þetta í fyrsta skipti síðan í maí sem hráolíuverð fer yfir 81 dal.

Í Lundúnum hækkaði verð á Brent Norðursjávarolíu um 2,64 dali tunnan og er 80,82 dalir tunnan. Segja sérfræðingar á olíumarkaði að hækkunin í dag sé í takt við evrópska hlutabréfamarkaði sem hækkuðu mikið í dag. 

• 1 blogg um fréttina

Bloggað um fréttina

• Haraldur Haraldsson: Mikil hækkun hráolíuverðs/ Ekki veitir þeim af olífurstunum ????