Indverjar taka yfir Ssangyong

Indverski bílaframleiðandinn Mahindra & Mahindra er nú talinn líklegastur til að taka yfir rekstur Ssangyong Motors í Suður-Kóreu, sem er gjaldþrota. Ssangyong tilkynnti í dag að skrifað yrði undir samkomulag við Indverjana í lok þessa mánaðar.

Mahindra var þannig tekið framyfir dekkjaframleiðandann Ruia Group  og Young An Hat, Suður-Kóreskt fyrirtæki sem m.a. á rútuverksmiðjur Daewoo Bus Company.

Mahindra stefnir á að verða hnattrænt fyrirtæki og hefur haft auga á Ssangyong um hríð, til þess að fá aðgang að meiri tækni fyrir jeppa sem það framleiðir og til þess að auka áhrif sín á mörkuðum utan Indlands.

Ef þessi yfirtaka verður að raunveruleika verður Mahindra annar indverski bílaframleiðandinn sem fer inn á Suður-Kóreumarkað á eftir Tata Motors, sem árið 2004 keyptu Daewoo Commercial Vehicles.

• 1 blogg um fréttina

Bloggað um fréttina

• Bogi Jónsson: Er þetta uncle Benz