Vextir lækka um 1%

Peningastefnunefnd Seðlabanka Íslands hefur ákveðið að lækka vexti bankans um 1 prósentu. Vextir á viðskiptareikningum innlánsstofnana lækka í 5,5% og hámarksvextir á 28 daga innstæðubréfum í 6,75%. Vextir á lánum gegn veði til sjö daga, svo nefndir stýrivextir, lækka í 7,0% og daglánavextir í 8,5%.

Klukkan 11 mun seðlabankastjóri, Már Guðmundsson, færa rök fyrir ákvörðuninni og efni þriðja heftis Peningamála kynnt. Hægt er að fylgjast með kynningarfundinum á vef Seðlabankans í sérstakri vefútsendingu.

Er þetta meiri lækkun heldur en flestir sérfræðingar höfðu spáð. Sérfræðingar sem Reutersfréttastofan leitaði til spáðu því meðal annars að vextirnir myndu lækka um  0,5 prósentur. Í lok árs 2008 voru stýrivextir Seðlabanka Íslands 18% en þeir hafa lækkað jafnt og þétt síðustu mánuði.

• 4 blogg um fréttina

Bloggað um fréttina

• Þórdís Bára Hannesdóttir: Ánægjuleg tíðindi.
• S i g u r ð u r S i g u r ð a r s o n: Allt gengur í lokuðu hagkerfi
• Jón Ingi Cæsarsson: Ríkisstjórnin hefur náð tökum á efnahagsvandanum.
• Marinó G. Njálsson: Kemur ekki á óvart - Raunstýrivextir ennþá yfir meðaltali síðustu …