Evrópskt fjármálaeftirlit

Aðildarríki Evrópusambandsins og Evrópuþingið náðu síðdegis í dag samkomulagi um að koma á sameiginlegu fjármálaeftirliti í álfunni, að því er Michel Barnier, ráðherra sem fer með málefni innri markaðarins í framkvæmdastjórninni, greindi frá.

„Við höfum náð mikilvægum áfanga. Okkur hefur tekist að ná fram pólitískri samstöðu um myndun ramma utan um evrópskt fjármálaeftirlit,“ sagði Barnier þegar ákvörðunin lá fyrir.

Skortur á samhæfðri peningastefnu í evruríkjunum 16 þótti koma berlega í ljós í fjármálakreppunni og eftirmálum hennar og er skrefið liður í að styrkja umgjörð evrunnar til lengri tíma litið.

• 1 blogg um fréttina

Bloggað um fréttina

• Guðrún María Óskarsdóttir.: Ekkert sameiginlegt fjármálaeftirlit var til staðar í Evrópu, fyrir hrun....