Trichet: ESB haldi stöðu sinni hjá AGS

Seðlabankastjóri Evrópu, Jean-Claude Trichet, hvatti í dag til þess að Evrópa standi saman á bak við Alþjóða gjaldeyrissjóðinn. Með þessu var hann að svara fyrirspurn um hvort Evrópusambandið eigi að draga úr stuðningi sínum við AGS. 

Á blaðamannafundi á Ítalíu í dag sagði hann að staða ESB hjá AGS væri afar mikilvæg fyrir alþjóðasamfélagið. Trichet tók fram að þarna talaði hann fyrir sig sjálfan en ekki sem bankastjóri Seðlabanka Evrópu. 

Í dag er ESB með níu af 24 sætum í framkvæmdastjórn AGS. Umræða hefur verið um hvort nýmarkaðsríkin eigi að fá meira vægi í stjórn sjóðsins á kostnað ESB. 

Í dag tók Trichet það sérstaklega fram að það versta sem gæti gerst væri að aðskilja Grikkland frá evrusvæðinu en eins og fram hefur komið glímir Grikkland við mikla efnahagserfiðleika. 

• 1 blogg um fréttina

Bloggað um fréttina

• Sigurður Haraldsson: Þarna sjáið þið!