Fyrsta bankagjaldþrotið í 7 ár í Japan

Japanski bankinn Incubator Bank of Japan (IBJ) hefur verið gert að hætta starfsemi og óska eftir gjaldþrotaskiptum. Er hann fyrsti bankinn í Japan sem fer í þrot í sjö ár, samkvæmt upplýsingum frá viðskiptaráðuneyti Japans.

Stjórnvöld segja að gjaldþrotið muni hafa lítil áhrif á fjármálakerfi Japans. Er það japanska fjármálaeftirlitið sem krefst þess að bankinn hætti starfsemi í þrjá daga hið minnsta og geri allt sem hans valdi stendur til að vernda innistæður sparifjáreigenda. 

Japanska viðskiptablaðið Nikkei segir að að nánast útilokað sé annað en að fjármálaeftirlitið knýi IBJ í þrot og að innistæður upp á 10 milljónir jena, 14,2 milljónir króna, séu tryggðar. Yrði það í fyrsta skipti sem innistæðutryggingarákvæði laga yrði beitt í Japan.

Viðskiptavinur Incubator Bank of Japan les tilkynningu um lokun bankans Reuters

• 2 blogg um fréttina

Bloggað um fréttina

• Sigurður Sigurðsson: Var þetta einhver afdala sparisjóður
• Sigurður Haraldsson: Klukkan gengur!