Nýta gjaldeyrisforðann í afborgun lána

Gjaldeyrisforði Seðlabanka Íslands verður nýttur til afborgunar lána ríkisins erlendis ef nægur gjaldeyrisforði er fyrir hendi, að sögn Más Guðmundssonar, seðlabankastjóra. Hann segir að 1,5 milljarður evra sé á gjalddaga til ársloka 2012. Jafnvel verður einhver hluti lánanna endurfjármagnaður.

Að sögn Más hefur Seðlabankinn keypt 400 milljónir evra á niðursettu verði að undanförnu en enn vanti 1,1 milljarð evra upp á. 

Már sagði á fundi með fréttamönnum í dag að mögulega verði verðbólgumarkmiðum breytt á einhvern hátt. Hann boðar útgáfu nýs rits í næsta mánuði þar sem fjallað verður um peningastefnu bankans og mögulegar breytingar á henni.

• 2 blogg um fréttina

Bloggað um fréttina

• Sigurður Haraldsson: Þar fauk gjaldeyrisforðinn!
• Sumarliði Einar Daðason: Eru þetta bara lán ríkisins?