10,1% atvinnuleysi í ESB

Atvinnuleysi mældist að meðaltali 10,1% í evruríkjunum  í september, að sögn Eurostat, hagstofu ESB. Verðbólgan á evrusvæðinu í október mældist 1,9% að jafnaði en var 1,8% í september.

Atvinnuleysi hefur aukist hægt og bítandi á undanförnum mánuðum og var 10% í ágúst.  Tölurnar nú benda til þess, að 16 milljónir manna séu án atvinnu í ríkjunum 16 á evrusvæðinu og þeim fjölgaði um 67 þúsund milli mánaða. 

Mest er atvinnuleysi á Spáni, 20,8%, en minnst í Hollandi, 4,4%, og Austurríki, 4,5%.  Mest hefur atvinnuleysið minnkað í Þýskalandi á undanförnu ári úr 7,6% í 6,7%.

Atvinnuleysi í ESB-ríkjunum 27 mældist 9,6% í september og var óbreytt milli mánaða. 

• 1 blogg um fréttina

Bloggað um fréttina

• Haraldur Haraldsson: 10,1% atvinnuleysi í ESB/við stefnum í þetta án þessa að …