Gjaldþrotum fækkar

Skráningum einkahlutafélaga fækkaði um 34% í september frá sama mánuði árið áður. Á sama tímabili voru 53 fyrirtæki tekin til gjaldþrotaskipta samanborið við 86 fyrirtæki í september 2009.

Heildarfjöldi nýskráðra einkahlutafélaga er 1233 fyrstu 9 mánuði ársins, að sögn Hagstofunnmar og hefur nýskráningum fækkað um 35% frá sama tímabili árið 2009 þegar 1895 ný einkahlutafélög voru skráð. Eftir bálkum atvinnugreina voru flest einkahlutafélög skráð í flokknum heild- og smásöluverslun, viðgerðir á vélknúnum ökutækjum.

Flest gjaldþrot í september voru  í byggingarstarfsemi og mannvirkjagerð. Fyrstu 9 mánuði ársins 2010 hafa 674 fyrirtæki orðið gjaldþrota 674 sem er rúmlega 5% aukning frá sama tímabili árið 2009 þegar 641 fyrirtæki voru tekin til gjaldþrotaskipta.

• 3 blogg um fréttina

Bloggað um fréttina

• Benedikt V. Warén: Það minnkar sem af er tekið....
• Örn Gunnlaugsson: Allt á réttri leið!
• Njörður Helgason: Menn halda að sér höndum.