Bandaríska prentvélin sett í fimmta gír

Bandaríski seðlabankinn kynnti í gær áætlun um kaup á ríkisskuldabréfum fyrir sex hundruð milljarða dollara fram í júní á næsta ári. Jafngildir þetta um 65.000 milljörðum íslenskra króna.

Þetta þýðir í raun að seðlabankinn muni prenta nýja peninga og veita þeim út í hagkerfið með því að kaupa skuldabréfin. Vonast bankinn til að með þessum hætti sé hægt að koma hjólum efnahagslífsins í gang að nýju, að því er segir í viðskiptablaði Morgunblaðsins í dag.