Hefur greitt fyrir helmingshlut í SMS

Jóhannes Jónsson, stofnandi Bónuss, greiddi í dag ásamt erlendum fjárfestum til Arion banka kaupverð á helmingshlut í færeyska verslunarfélaginu SMS. Þetta kemur fram í tilkynningu frá Jóhannesi.

Fram kemur að SMS sé stærsta verslunarfyrirtæki í Færeyjum. Það reki m.a. verslanir undir nafni Bónuss.

Þá segir hann að fyrirtækið sé í góðum rekstri og með sterkan efnahag. Þetta sé spennandi verkefni og félagið hafi áhuga á að auka innflutning á íslenskum vörum til Færeyja.   

SMS rekur níu verslanir í Færeyjum, ásamt því að reka framleiðslubakarí og kjötvinnslu. Velta félagsins á þessu ári er um 7 milljarðar íslenskra króna.   Félagið er skuldlaust, að því er segir í tilkynningu.

• 6 blogg um fréttina

Bloggað um fréttina

• Haraldur Axel Haraldsson: ELSKU JÓHNNES Ó ó KALLIN óÓ
• Ragnar Borgþórs: Sagan endalausa.
• Arnór Baldvinsson: Skuldlaust félag
• Jón Pétur Líndal: #6791 - Jóhannes í Bónus að spilla góðu sambandi Íslands …
• Sigurður Haraldsson: Hvar er sanngirnin?
• Heimir Lárusson Fjeldsted: Hvernig?