Segja drátt á sölu eiga sér eðlilegar skýringar

Dráttur á sölu Sjóvár á sér eðlilegar skýringar sem Seðlabankinn getur ekki tjáð sig um opinberlega að svo stöddu. Þetta kemur fram í tilkynningu frá bankanum vegna frétta fjölmiðla um söluna á Sjóvá.

„Í kvöldfréttum Stöðvar 2 föstudaginn 12. nóvember sl. komu fram alvarlegar ásakanir og dylgjur varðandi söluferli Sjóvár h.f. Sagt er að inn í söluferli Eignasafns Seðlabanka Íslands ehf. og annarra eigenda Sjóvár h.f. fléttist persónulegar deilur seðlabankastjóra og eins af forsvarsmönnum hugsanlegra kaupenda.

Seðlabankastjóri kannast ekki við þessar deilur og myndi auk þess aldrei láta ágreining um peningastefnu hafa áhrif á embættisfærslu sína. Fullyrðingar um slíkt fela í sér ærumeiðandi ummæli.

Stjórn ESÍ ehf. hefur tekið ákvarðanir varðandi söluferli Sjóvár h.f. og enginn ágreiningur hefur verið á milli hennar og framkvæmdastjóra Sölvhóls, eins og sterklega er gefið í skyn í fréttinni," segir í tilkynningu frá Seðlabankanum.

• 1 blogg um fréttina

Bloggað um fréttina

• Sigurður Haraldsson: Ég er afi minn!