Skuldir sliga evruna

Slæm skuldastaða sumra ríkja innan Myntbandalags Evrópu hefur áhrif á stöðu evrunnar gagnvart öðrum gjaldmiðlum Þrátt fyrir þetta hækkaði gengi evrunnar lítillega í Tókýó í morgun. Er evran 1,3614 dalir en var 1,3582 dalir í New York í gærkvöldi. Evran er 113,08 jen en var 112,83 jen í New York í gærkvöldi.

Bandaríkjadalur er skráður 83,14 jen í Tókýó í morgun en var 83,11 jen í  New York í gærkvöldi.

Líkt og fram hefur komið þá berjast Írar við erfiða skuldastöðu en telja samt að þeir þurfi ekki á stuðningi að halda frá Evrópusambandinu.

Portúgalar óttast að þeir þurfi að leita eftir stuðningi vegna þrýstings frá öðrum skuldsettum ríkjum. Það er að staða þeirra smiti út frá sér til annarra evru-ríkja.

Grikkjum hefur gengið erfiðlega að skera niður þrátt fyrir mikinn stuðning frá ESB og var mótmælt við þinghúsið í Aþenu í gærkvöldi þar sem rætt var um niðurskurðaráform hins opinbera.

• 4 blogg um fréttina

Bloggað um fréttina

• Valdimar Samúelsson: Skuldir ESB við AGS eru upp á margar trilljónir svo …
• Geir Ágústsson: Auðvelt að eyða, erfitt að greiða
• Ólafur Ingi Hrólfsson: Verðuma reddessu.
• Sigurður Haraldsson: ESB=NEI.