Segja frétt um Vífilfell ranga

Arion banki hefur sent frá sér tilkynningu um að frétt Viðskiptablaðsins um að búið sé að ganga frá samningi við Þorstein M. Jónsson um að hann haldi Vífilfelli sé röng. Í tilkynningunni er tekið fram að samkomulagið við Þorstein sé á lokastigum.

Frétt af mbl.is

Fær að halda Vífilfelli

„Tilkynning frá Arion banka

Vegna fréttar á vef Viðskiptablaðsins um samkomulag bankans við Þorstein M. Jónsson vill Arion banki koma eftirfarandi á framfæri:

Frétt Viðskiptablaðsins er röng. Ekki var haft samband við fulltrúa Arion banka vegna vinnslu fréttarinnar.

Bankinn hefur um nokkurt skeið unnið að samkomulagi við Þorstein M. Jónsson vegna skulda hans og félaga honum tengdum við bankann. Samkomulagið er á lokastigum en ekki er tímabært að greina frá efnisatriðum þess að svo stöddu.

Arion banki mun senda frá sér tilkynningu þar sem fram koma öll helstu efnisatriði samkomulagsins eins fljótt og unnt er."
 

• 1 blogg um fréttina

Bloggað um fréttina

• Arnór Baldvinsson: Tilkynning frá Arion