Mörg fyrirtæki rekin með tapi

Helmingur stærstu fyrirtækja landsins var rekinn með tapi á síðasta ári og þriðjungur þeirra hefur ekki skilað inn ársreikningum. Þetta kemur fram í yfirliti sem Creditinfo vann fyrir Stöð 2.

Meðal þeirra félaga sem voru rekin með tapi í fyrra voru Actavis, Alcoa-Fjarðaál, Bakkavör, Byko, Hagar, Hekla, Húsasmiðjan, Icelandair Group, Marel, Síminn og Teymi. Fimm af stærstu fyrirtækjunum voru með neikvætt eigið fé, þ.e. þau skulda meira en þau eiga, samkvæmt frétt Stöðvar 2 í kvöld.

Creditinfo tók saman lista yfir 77 stærstu fyrirtæki landsins og af þeim hafa 24 þeirra ekki enn skilað inn ársreikningi til ríkisskattstjóra fyrir árið 2009.

• 2 blogg um fréttina

Bloggað um fréttina

• Guðrún María Óskarsdóttir.: Skyldi einhvern undra, stjórnvöld tóku ákvörðun um að hækka skatta …
• Haraldur Haraldsson: Mörg fyrirtæki rekin með tapi/svo eru menn að segja að …