Facebook 6500 milljarða virði?
Setja bókamerki
Rúmlega 100 þúsund hlutir í samskiptavefnum Facebook voru nýlega settir í sölu á netmarkaðnum Sharepost. Að sögn vefjarins Business Insider seldust hlutirirnir á 25 dali hver og samkvæmt því má áætla að markaðsvirði Facebook væri 56 milljarðar dala, jafnvirði 6500 milljarða króna.
Facebook er ekki skráð á hlutabréfamarkaði og því er erfitt að leggja mat á hvert raunverulegt virði fyrirtækisins er.
Viðskiptatímaritið Forbes segir, að lægsta verð, sem fékkst fyrir hlutabréfin á Sharepost hafi verið 23 dalir. Haft er eftir seljandanum að það verð sé 77% hærra en það sem hann greiddi fyrir bréfin fyrir þremur mánuðum.
Sharespost segir, að gríðarlegur áhugi hafi verið fyrir hlutabréfunum og að fleiri hlutir verði seldir á næstunni.
Business Insider hafði í vikunni eftir sérfræðingi, að Facebook gæti vel orðið 200 milljarða dala virði árið 2015 og að tekjur fyrirtækisins kunni að ná 32 milljörðum dala.
Hvað gerðist eiginlega í VMA?
Hraun fór yfir Grindavíkurveg
Erlendir miðlar greina frá tíunda gosinu
Myndir: Grindavíkurvegur aftur undir hraun
Úlfar: Heppileg tímasetning á gosinu
Mæðgur dæmdar til að greiða 64 milljónir
Gosið gæti varað lengur: Meiri fyrirstaða í gosrásinni
Þórarinn: Tafir á höfuðborgarsvæðinu ekki minni