Afsalar sér bónus vegna öngþveitis

Colin Matthews, forstjóri fyrirtækisins BAA, sem rekur stærstu flugvellina á Bretlandseyjum, hefur ákveðið að afsala sér launauppbót fyrir þetta ár vegna öngþveitisins, sem skapaðist á Heathrow flugvelli í vetrarveðrinu um helgina.

Matthews sagði við Sky sjónvarpsstöðina, að hann teldi sig bera ábyrgð á ástandinu sem skapaðist á flugvellinu.

BAA, sem er í spænskri eigu, vildi ekki upplýsa hve há launauppbót Matthews hefði átt að vera en að heildarlaun hans á síðasta ári hefðu verið 944 þúsund pund, jafnvirði rúmlega 170 milljóna króna. 

• 1 blogg um fréttina

Bloggað um fréttina

• Gunnar Heiðarsson: Aumingja maðurin !!