Vextir hækka í Kína

Seðlabanki Kína hækkaði í dag vexti um 25 punkta, en þetta er í annað sinn á síðustu þremur mánuðum sem bankinn hækkar vexti.

Tilgangur vaxtahækkunar er að reyna að draga úr útlánum og halda aftur af verðbólgu. Vaxtahækkun í október var fyrsta breyting kínverska seðlabankans á vöxtum í þrjú ár.

Stjórnvöld í Kína óttast afleiðingar verðbólgu í landinu, en mótmæli hafa brotist út vegna verðhækkana á mat. Matvælaverð í Kína hefur hækkað um 12% það sem af er ári. Þensla í efnahagslífinu hefur einnig valdið hækkun á fasteignaverði. Fyrri í þessum mánuði herti seðlabankinn reglur um bindiskyldu banka. Þetta var í sjötta sinn á árinu sem reglurnar eru hertar.

• 2 blogg um fréttina

Bloggað um fréttina

• Páll Vilhjálmsson: Vextir, tilraunir í dollurum og evru og Kína
• Haraldur Haraldsson: Vextir hækka í Kína/þeir veðja á Dollar en ekki Evru …