Veðlánaviðskipti SÍ stóraukast

Veðlánaviðskipti Seðlabanka Íslands (SÍ) við bankakerfið hafa aukist verulega frá því í haust, að því er fram kemur í viðskiptablaði Morgunblaðsins í dag.

Heildarumfang viðskiptanna frá því í september nema um 260 milljörðum króna og þar af námu viðskiptin í nóvember og desember 162 milljörðum. Bankar eiga í veðlánaviðskiptum við Seðlabankann til þess að tryggja sér aðgang að lausafé.

Veðlánaviðskiptin fyrstu átta mánuði ársins námu til samanburðar 98 milljörðum króna. Af þessu má leiða að eftirspurn bankakerfisins eftir aðgengi að lausu fé hefur aukist verulega síðustu mánuði ársins.