Lánin afgreidd löngu áður

Björgólfur Thor Björgólfsson segir á vef sínum í dag, að öll þau lán, sem fjallað sé um í fundargerð lánanefndar Landsbankans frá 9. október 2008, hafi verið afgreidd út úr bankanum mánuðum og árum áður. 

Björgólfur fullyrðir, að þær  ákvarðanir, sem þarna séu færðar til bókar, varði breytingar á ábyrgðum vegna gamalla lána og þær hafi verið teknar fyrir hrun fyrirtækjanna með það að markmiði að bæta stöðu Landsbankans.

„Hvers vegna stjórnendur Landsbankans færa ekki þessar ákvarðanir í bækur lánanefndar fyrr en 9. október eða mánuði síðar kann ég ekki skýringar á. Vissulega kemur það spánskt fyrir sjónir almennings þegar færðar eru til bókar gamlar ákvarðanir um veð í fyrirtækjum sem eru farin í þrot. Hins vegar sýnist mér að ástæðan fyrir því að stjórnendur gera þetta eftir að bankinn er kominn í hendur FME sé sú að þeir vilja sýna í bókum bankans að þeir voru með þessum ákvörðunum að verja hagsmuni bankans," segir Björgólfur meðal annars.

Vefur Björgólfs Thors Björgólfssonar

• 1 blogg um fréttina

Bloggað um fréttina

• Sigurður Haraldsson: Egum við ekki eftir að velja.