Húsleitir í Seðlabanka og MP banka

Embætti sérstaks saksóknara leitaði í morgun hjá MP banka, Seðlabanka Íslands og ALMC, sem áður hét Straumur. Á vef Viðskiptablaðsins  segir að húsleitirnar tengist ætluðum brotum sem framin voru í Landsbankanum fyrir bankahrun.

Segir Viðskiptablaðið að einhverjir hafi verið handteknir í tengslum við málið.

Stefán Jóhann Stefánsson, upplýsingafulltrúi Seðlabankans, staðfesti við mbl.is að húsleit stæði nú yfir. Starfsmenn sérstaks saksóknara öfluðu gagna sem tengdust hinum föllnu viðskiptabönkum, en frekari upplýsingar gæti hann ekki gefið. Hann sagði engan starfsmann Seðlabankans hafa verið handtekinn í tengslum við rannsóknina.

• 1 blogg um fréttina

Bloggað um fréttina

• Sigurður Haraldsson: Nú er komið á þriðja ár!