Ásgeir hættur hjá Arion

Ásgeir Jónsson, sem gegnt hefur starfi forstöðumanns greiningardeildar frá árinu 2006, hefur tekið við lektorsstöðu í  hagfræði við Háskóla Íslands og er hættur störfum hjá bankanum. Kemur þetta fram í tilkynningu frá bankanum.

Í hans stað kemur Ásdís Kristjánsdóttir hagfræðingur, sem hefur starfað hjá greiningardeild Kaupþings og síðar Arion banka frá árinu 2006. Ásdís lauk BS prófi frá Verkfræðideild Háskóla Íslands árið 2002 og síðan MS prófi í hagfræði frá Viðskipta- og hagfræðideild sama skóla árið 2006. Hún hlaut réttindi sem löggiltur verðbréfamiðlari árið 2010.  Ásdís starfaði um skeið hjá fjármálaráðuneytinu en hóf störf hjá Greiningardeild Kaupþings sem efnahagsgreinandi árið 2006, sem áður segir. Ásdís er gift Agnari Tómasi Möller verkfræðingi og eiga þau tvö börn.

• 3 blogg um fréttina

Bloggað um fréttina

• Einar Guðjónsson: Ofurmenni kveður athafnalífið.
• Gestur Valgarðsson: Einn 100 bestu skóla heimsins?
• Hjalti Elíasson: Hið nýja Ísland.