Viðskiptin geta vart talist eðlileg

Meðferð á fé í tengslum við félagið Sólin skín var „út í hött“ að sögn slitastjóra félagsins, Páls Kristjánssonar, en hann segir að hugsanlega muni hann senda upplýsingar og gögn til þar til bærra yfirvalda að slitum félagsins loknum.

Í umfjöllun um málið í Morgunblaðinu í dag segir, að félagið hafi verið stofnað utan um framvirkan samning þess við Glitni í tengslum við hlutabréfakaup í Marks & Spencer. Segir Páll að viðskipti bankans við félagið geti vart talist eðlileg.

Eigendur félagsins Sólin skín voru Baugur Group, Fons, Glitnir og breski athafnamaðurinn Kevin Stanford, og voru því að stórum hluta þeir sömu og stýrðu Glitni.