Búist við meiri hagvexti í Bandaríkjunum

Stjórn bandaríska seðlabankans gerir ráð fyrir meiri hagvexti á þessu ári en búist hafði verið við. Gert er ráð fyrir að hagvöxtur verði á bilinu 3,4-3,9% en fyrri spár höfðu gert ráð fyrir 3-3,6% vexti.

Þetta kemur fram í fundargerð síðasta vaxtarákvörðunarfundar bankans. Búist er við auknum hagvexti vegna vaxandi einkaneyslu, fjárfestingu og útflutningi. Fram kemur í Financial Times að þrátt fyrir þetta hafi stjórn seðlabankans enn áhyggjur af miklu atvinnuleysi.

Fram kemur í fundargerðinni að meirihluti stjórnar bankans styður áframhaldandi peningaprentun en minnihlutinn hefur efasemdir um áhrif þeirrar stefnu. Bankinn metur undirliggjandi verðbólguþrýstingur sé lítill um þessar mundir og verðbólguvæntingar í skefjum. Þrátt fyrir það létu sumir í stjórn bankans í ljós áhyggjur af því að verðbólguhorfur gætu breyst skyndilega ef að hrávöruverð hækkar enn meira. 

• 2 blogg um fréttina

Bloggað um fréttina

• Haraldur Haraldsson: Búist við meiri hagvexti í Bandaríkjunum/svolitið á skjön við það …
• Geir Ágústsson: Hitamælir í sýrubaði?