Engin opinber stofnun hefur látið vinna sjálfstætt mat á virði eignasafns Landsbankans. Þetta segir Kristján Þór Júlíusson, þingmaður Sjálfstæðisflokksins og nefndarmaður í fjárlaganefnd Alþingis.

Kristján segir að skilanefnd Landsbankans hafi farið ítarlega yfir eigið mat á virði eignasafns Landsbankans með fjárlaganefnd, en ekki heimilað nefndarmönnum að halda eftir gögnum.

Í umfjöllun um þetta mál í Morgunblaðinu í dag segir Kristján það skiljanlegt upp að vissu marki, enda um ákveðna viðskiptahagsmuni að tefla. Hins vegar sé nauðsynlegt að almenningur geti sótt sér upplýsingar um eignasafnið, til að geta tekið upplýsta ákvörðun um ríkisábyrgð á Icesave-kröfum Breta og Hollendinga.

Tengdar fréttir

Icesave

Bresk stjórnvöld létu Ísland róa

• Íslendingar í efnahagslegu stríði
• Icesave var stærsta dómsmál EFTA
• Hefði kostað 208 milljarða
• „Grýla er dauð“

» Fleiri tengdar fréttir