Afkomuspá Icelandair óbreytt

Icelandair Group hf. segist ekki hafa breytt afkomuspá sinni sem gefin var út þann 14. febrúar en spáin gerði ráð fyrir að hagnaður fyrir afskriftir og fjármagnskostnað yrði 9,5 milljarðar króna á þessu ári.   

Þetta kemur fram í tilkynningu frá félaginu til Kauphallar Íslands vegna fjölmiðlaumfjöllunar um tölvupóst framkvæmdastjóra Icelandair ehf. til starfsmanna um að hækkandi olíuverð muni hafa neikvæð áhrif á afkomu félagsins.

Segir í tilkynningunni, að umfjöllun framkvæmdastjórans vísi til lækkunar á áætluðum rekstrarhagnaði fyrir árið 2011 frá rauntölum ársins 2010 upp á um 3 milljarða króna, þrátt fyrir verulega framboðsaukningu á milli ára, sem þegar hafi verið tilkynnt um. Helstu skýringar á þessari lækkun liggi í eldsneytishækkunum á milli ára og fleiri þáttum eins og nánar hafi verið tilgreint í tilkynningu þann 14. febrúar sl.

• 1 blogg um fréttina

Bloggað um fréttina

• Sigurður Haraldsson: Varúð, hætta, varúð.