Endurheimtur batna
Setja bókamerki
Heildarendurheimtur þrotabús Landsbankans eru nú metnar á 1175 milljarða króna, en síðasta mat hljóðaði upp á 1138 milljarða króna. Þetta kom fram hjá samninganefnd ríkisins í Icesave málinu. Útgreiðslur úr búinu tefjast fram í ágúst.
Segir samninganefndin að heimtur hafi aukist um 37 milljarða frá síðasta mati. Hlutur Tryggingasjóðs innistæðueigenda og fjárfesta, í Icesave-samningnum, lækki því um 19 milljarða.
Sagði samninganefndin að tafir hafi orðið á ákveðnum málum fyrir Héraðsdómi Reykjavíkur. Vegna þess sé áætlað að útgreiðslur úr búi Landsbanka hefjist 1. ágúst í stað 1. júní eins og var áður áætlað.
Skilanefnd Landsbankans kynnti hið nýja endurheimtumat fyrir kröfuhöfum í Lundúnum í dag. Fjármálaráðuneytið segir, að meginniðurstaða hinna nýju útreikninga sé, að áætlaður kostnaður ríkissjóðs vegna Icesave-samninganna nemi 32 milljörðum króna í stað 47 áður.
Þá segi skilanefndin að mat á verðmæti eignasafns búsins hafi hækkað um tæplega 160 milljarða frá 30. apríl 2009 til ársloka 2010.
Breyttar forsendur fyrir útreikningum og nýju mati samninganefndarinnar eru eftirfarandi:
- Áætlaðar endurheimtur upp í forgangskröfur aukast og nema nú 89% af forgangskröfum. Í krónum talið nema áætlaðar heimtur 1175 ma.kr. í stað 1.138 ma.kr. Hækkunin nemur því 37 milljörðum króna Þar af yrði hlutur Tryggingarsjóðs innstæðueigenda og fjárfesta (TIF) 51,26% og nemur aukning TIF því um 19 milljörðum króna.
- Fyrstu greiðslur úr búi Landsbankans miðast við 1. ágúst 2011 í stað 1. júní sem fyrri útreikningar byggðu á. Lítilsháttar tafir hafa orðið á meðferð héraðsdómsmála er varða stjórnskipulegt gildi neyðarlaga og er því talið varlegt að gera ráð fyrir því að greiðslur tefjist um tvo mánuði frá því sem áður var ætlað.
- Fyrsta greiðsla áfallinna vaxta TIF til innstæðusjóða Bretlands og Hollands miðast við apríl lok 2011 í stað janúar. Vegna betri vissu um reikningsforsendur lækka áfallnir vextir til ársloka 2010 um 2 milljarða.
- Frá eign TIF dragast 1,5 milljarðar sem fara í greiðslu samkvæmt sérstökum samningi um skiptingu vaxtakröfu í bú Landsbankans.
- Samsetning eigna bús Landsbankans hefur breyst þannig að hærra hlutfall þeirra er nú í reiðufé og veðtryggðu skuldabréfi NBI, samtals um 677 milljarðar en til samanburðar nam sambærileg fjárhæð 615 milljörðum í því uppgjöri sem skilanefndin kynnti í lok þriðja ársfjórðungs 2010. Forsendur áætlana um heimtur eru því traustari en áður og óvissa hefur minnkað.
- Ákveðið hefur verið að Iceland Foods greiði hluthöfum sínum arð að fjárhæð 100 milljónir punda vegna síðasta árs sem samkvæmt upplýsingum skilanefndar mun að óbreyttu ekki hafa áhrif á verðmæti eigna búsins m.v. matið 31. desember 2010.
- Eignir í íslenskum krónum hafa minnkað sem hlutfall af heildareignum og nema nú 8% af heildareignum. Skýrist það að mestu leyti af því að hlutabréf í NBI yfirfærast í skuld NBI við bú Landsbankans í evrum, pundum og dollar.
Ný greinargerð samninganefndar Íslands
Hópur fólks reyndi að komast að eldgosinu
Ása Ellerup flutt út og ætlar að selja húsið
Pútín reynir allt til að forðast aðra herkvaðningu
Ekki vandamál að vera karlmaður
Þarf að koma til móts við ólíkar þarfir lækna
Hentugt gos fyrst gýs á annað borð
Viðræður ekkert þokast frá því á þriðjudag