Gengi hlutabréfa japanskra fyrirtækja hrundi í kauphöllinni í Tókýó í morgun og lækkaði Nikkei hlutabréfavísitalan um 6,18%. Japansbanki ákvað í dag að halda stýrivöxtum óbreyttum og grípa til aðgerða til að styðja við efnahagslífið.

Það voru hlutabréf bílaframleiðenda sem lækkuðu en margir stærstu bílaframleiðendurnir hafa tilkynnt að starfsemi verði hætt tímabundið í verksmiðjum á svæðum þar sem áhrifa jarðskjálftans og flóðbylgjunnar á föstudag gætti mest.

Þá lækkaði gengi Tokyo Electric Power Co., sem rekur kjarnorkuver í Japan,  23,57%. 

Japansbanki tilkynnti í morgun að hann myndi veita 15 billjónum jena til að styðja við hagkerfið og endurreisa atvinnulíf á skjálftasvæðunum.  

Tengdar fréttir

Jarðskjálfti í Japan

Sýni úr úrgangsvatni frá Fukushima innan marka

• Vatn úr kjarnorkuveri á leið í sjóinn
• Setti lögbann á opnun kjarnorkuvers í Japan
• Sýknaðir vegna Fukushima-slyssins
• Minnast hamfaranna fyrir 7 árum

» Fleiri tengdar fréttir

• 1 blogg um fréttina

Bloggað um fréttina

• Sigurður Haraldsson: Svona er lífið!