Gengi hlutabréfa danska vindorkufyrirtækisins Vestar hefur hækkað mikið í dag líkt og bréf annarra evrópskra fyrirtækja sem framleiða búnað til að beisla vistvæna orku.

Kjarnorkuslysið í Fukushima kjarnorkuverinu í Japan hefur sett strik í áform um frekari þróun kjarnorkuvera og þykir ljóst, að aukin áhersla verði lögð á aðra orkugjafa. 

Fram kemur á fréttavef Børsen, að gengi hlutabréfa Vestas hækkaði um 7,4% í dönsku kauphöllinni í dag. Gengi hlutabréf þýska vindmylluframleiðandans Nordex hækkaði hins vegar um 19% eftir að Angela Merkel, kanslari Þýskalands, tilkynnti að fyrirhugaðri endurnýjun þýskra kjarnorkuvera yrði frestað á meðan farið verður yfir málin. 

Þá hækkuðu bréf þýsku fyrirtækjanna Solarworld og Q-cells, sem framleiða sólarorkurafhlöður, um 12 og 14%. 

Þýsk stjórnvöld ákváðu í september að lengja líftíma 17 kjarnorkuvera um 8-14 ár en nú er talið hugsanlegt að hætt verði við það.  

Tengdar fréttir

Jarðskjálfti í Japan

Sýni úr úrgangsvatni frá Fukushima innan marka

• Vatn úr kjarnorkuveri á leið í sjóinn
• Setti lögbann á opnun kjarnorkuvers í Japan
• Sýknaðir vegna Fukushima-slyssins
• Minnast hamfaranna fyrir 7 árum

» Fleiri tengdar fréttir

• 1 blogg um fréttina

Bloggað um fréttina

• Úrsúla Jünemann: Annað Tschernobyl?