Dæla 11.000 milljörðum inn í fjármálakerfið

Seðlabanki Japans hefur dælt átta billjónum jena (rúmlega 11.000 milljarða kr.) inn í fjármálakerfi landsins til að draga úr áhyggjum markaðarins, en hlutabréfaverð lækkaði mikið í japönsku kauphöllinni í kjölfar náttúruhamfaranna.

Bankinn dældi fimm billjónum jena í morgun að staðartíma og nú síðdegis bætti hann þremur billjónum við.

Þá hyggst seðlabankinn útvega 12 billjónir jena með því að kaupa ríkisskuldabréf sem eru í eigu fjármálastofnana.

Í gær dældi bankinn 15 billjónum jena inn í fjármálamarkaðinn, sem er metupphæð.

• 1 blogg um fréttina

Bloggað um fréttina

• Haraldur Haraldsson: Dæla 11.000 milljörðum inn í fjármálakerfið/þetta er það sem þarf …