Hækkanir í kauphöllinni í New York

Hækkanir urðu í kauphöllinni í Bandaríkjunum í dag, en mikil bjartsýni ríkir meðal fjárfesta í kjölfar kaupa AT&T á T-Mobile í dag. Dow Jones hlutabréfavísitalan hækkaði um 1,5% og er nú 12.036,53 stig. Nasdaqh hækkaði um 1,83% og er 2.692,09 stig. S&P hækkaði um 1,5% og er nú 1.298,38 stig.

AT&T greiddi 39 milljarða Bandaríkjadala fyrir T-Mobile USA í dag, og er fyrirtækið þar með orðið stærsta farsímafyrirtæki Bandaríkjanna.

Þá ákvað bandaríska fjármálaráðuneytið að hefja sölu á skuldabréfum sem tryggð eru með veði í íbúðahúsnæði fyrir 142 milljarða dala.

Viðskiptin þykja til marks um að markaðir séu að taka við sér.

• 1 blogg um fréttina

Bloggað um fréttina

• Helga Kristjánsdóttir: Þá kætast Kauphéðnar