Vestræn ríki verða að minnka skuldir

Aðstoðarforstjóri Alþjóðagjaldeyrissjóðsins segir, að vestræn ríki standi frammi fyrir því, að vaxtakostnaður muni hækka umtalsvert á sama tíma og skuldir ríkjanna hafi hlutfallslega ekki verið hærri frá síðari heimsstyrjöld.  

John Lipsky sagði í ræðu, sem hann flutti í Peking í Kína, að þróuð iðnríki eigi á hættu að lenda í ríkisfjármálakreppu og grípa verði til róttækra ráðstafana til að draga úr skuldum. 

Sagði hann að Bandaríkin og Japan yrðu að leggja fram trúverðugar áætlanir um hvernig böndum verði komið á fjárlagahalla.

Hann sagði útlit fyrir, að meðalvextir á lánum helstu iðnríkja heims muni hækka um 1-1,5 prósentur á sama tíma og skuldirnar fari sívaxandi.  

Lipsky sagði, að iðnríkin hafi verið heppin vegna þess að fjármagnskostnaður hafi verið lítill um langan tíma en það kunni að breytast. 

• 3 blogg um fréttina

Bloggað um fréttina

• Sigríður Laufey Einarsdóttir: Hækkandi vextir í vestrænum heimi
• Magnús Sigurðsson: Með lausa skrúfu?
• Sigurður Haraldsson: Hitti naglan á höfuðið.