Fær starfsleyfi í Bandaríkjunum

Þetta kom fram í máli Birnu Einarsdóttur, bankastjóra Íslandsbanka, á aðalfundi bankans í gær.

Birna sagði að við stofnun Íslandsbanka hafi verið ákveðið að halda í þá þekkingu sem byggst hafði upp á sviði jarðhita og sjávarútvegs. Framtíðarstarfsemi Glacier Securities hafi verið skipulagt og farið hafi verið í gegnum strangt umsóknarferli hjá þarlendum fjármálayfirvöldum síðustu mánuði.

Friðrik Sophusson, stjórnarformaður bankans, sagði á fundinum að ákvörðun stjórnvalda að afnema ekki gjaldeyrishöft fyrr en 2015 hafi valdið vonbrigðum en séu skiljanleg þar sem mikilvægt sé að stíga varlega til jarðar í þessum efnum. Til að flýta fyrir afnámi þeirra og koma í veg fyrir fjármagnsflótta frá Íslandi þurfi fjárfestum, innlendum sem erlendum, að standa til boða góðir fjárfestingaakostir hér á landi. Eitt mikilvægasta verkefnið sé því að blása lífi í hlutabréfamarkaðinn á ný.

Raymond Quinlan lét af störfum sem stjórnarmaður í Íslandsbanka þar sem hann tók við framkvæmdastjórastöðu hjá fjármálafyrirtækinu CIT Group í Bandaríkjunum. Hann mun þó áfram sitja í stjórn Glacier Securities. Ný stjórn verður kjörin á framhaldsaðalfundi sem haldinn verður 4. maí næstkomandi.  

• 1 blogg um fréttina

Bloggað um fréttina

• Pálmi Hamilton Lord: Tengja krónuna við evruna sem fyrst