Samkvæmt yfirliti frá Lánasýslu ríkisins námu ríkisábyrgðir tæplega 1.300 milljörðum króna í lok janúar sl. og voru skuldbindingar Landsvirkjunar og Íbúðalánasjóðs um 97% þeirrar upphæðar.

Í umfjöllun um mál þetta í Morgunblaðinu í dag segir, að heildar skuldbinding sem ríkissjóður mun þurfa að gangast í ábyrgð fyrir, öðlist Icesave-lögin samþykki þjóðarinnar, nemur um 670 milljörðum króna.

Heildarstaða  ríkisábyrgða mun því hækka um helming eða þar um bil, en bein ríkisábyrgð verður á skuldbindingum Tryggingasjóðs innstæðueigenda og fjárfesta (TIF) gagnvart innistæðutryggingasjóðum Breta og Hollendinga, haldi Icesave-lögin gildi sínu í þjóðaratkvæðagreiðslunni 9. apríl nk. Er talið að bein ábyrgð á skuldum TIF setji núverandi kröfuhafa ríkisfyrirtækja í verri stöðu en áður, t.d. alþjóðlega lánardrottna Landsvirkjunar.

Tengdar fréttir

Icesave

Bresk stjórnvöld létu Ísland róa

• Íslendingar í efnahagslegu stríði
• Icesave var stærsta dómsmál EFTA
• Hefði kostað 208 milljarða
• „Grýla er dauð“

» Fleiri tengdar fréttir