Mikil viðbrögð við tilkynningu S&P

Markaðir hafa brugðist hart við tilkynningu alþjóðlega matsfyrirtækisins Standard & Poor's um að horfum fyrir lánshæfiseinkunn bandaríska ríkisins fyrir langtímaskuldbindingar hafi verið breytt úr stöðugum í neikvæðar. 

Hafa bandarísk hlutabréf lækkað í verði og ávöxtunarkrafa hækkað á bandarískum ríkisskuldabréfum. Þá hefur olíuverð lækkað á heimsmarkaði. 

Þetta er í fyrsta skipti, sem S&P breytir horfum um bandaríska lánshæfiseinkunn í neikvæðar en einkunnin er AAA, sú hæsta sem fyrirtækið gefur.

Dow Jones hlutabréfavísitalan lækkaði um 1,89% eftir að viðskipti hófust í kauphöllinni á Wall Street. Þá lækkaði Nasdaq vísitalan um 2,07%.  

Verð á hráolíu lækkaði um 2,66 dali tunnan á markaði í Bandaríkjunum og var 107 dalir nú síðdegis. Brent Norðursjávarolía lækkaði um 2,09 dali tunnan og var verðið 121,36 dalir. 

• 1 blogg um fréttina

Bloggað um fréttina

• Gísli Foster Hjartarson: Kominn tími til!!!