Neikvæðar horfur í japönskum bílaiðnaði

Lánshæfismatsfyrirtækið Standard & Poor's greindi frá því í dag að horfur japönsku bílaframleiðandanna Toyota, Nissan og Honda hefðu verið færður úr stöðugum í neikvæðar. Afleiðingum jarðskjálftans þann 11. mars er um að kenna.

S&P breytti á sama tíma horfum þriggja varahlutaframleiðenda í neikvæðar af sömu ástæðum.

Í yfirlýsingu frá lánshæfismatsfyrirtækinu segir að viðbúið sé að dagleg framleiðsla, og þar af leiðandi fjárhagsleg afkoma, raskist á árinu vegna vöruskorts í kjölfar jarðskjálftans 11. mars.

Framleiðsla Toyota í Japan dróst saman um 62,7% í mars, miðað við sama mánuð á síðasta ári. Á heimsvísu dróst framleiðslan saman um 29,9%.

• 1 blogg um fréttina

Bloggað um fréttina

• Sigurður Haraldsson: þetta á eftir að koma!