Landsbankinn fjármagnar Thor Data Center

Landsbankinn hefur skrifað undir fjármögnunarsamning við Thor Data Center. Lánið mun nýtast til frekari uppbyggingar félagsins við kaup á nýjum gagnagámi. 

Gagnaver Thor Data Center byggist á sérútbúnum  gámaeiningum sem  hýsa gögn og gagnavinnslu fyrirtækja.  Fram kemur í tilkynningu, að eftir að nýi gámurinn verður kominn í gangið hafi afkastageta gagnaversins margfaldast og muni félagið geta annað hýsingarþörf fleiri stórra fyrirtækja.

Thor Data Center var stofnað árið 2009 og var gagnaverið tekið í notkun  vorið 2010. Thor Data Center  er eina gagnaverið sem starfrækt er á Íslandi og byggir þjónusta þess á umhverfisvænni raforku.  Meðal helstu viðskiptavina Thor Data Center er norska hugbúnaðarfyrirtækið Opera Software. 

• Blogga um frétt