Ný stefna um samfélagslega ábyrgð

Landsbankinn hefur sett sér nýja stefnu um samfélagslega ábyrgð og er gert ráð fyrir því að hún verði komin til fullra framkvæmda ekki síðar en árið 2015. Með því uppfyllir bankinn ellefta loforðið á aðgerðalista sem hann kynnti í febrúar síðastliðnum samkvæmt því sem fram kemur í fréttatilkynningu.

„Í stefnunni segir að Landsbankinn sé fjármálafyrirtæki sem ætli að sýna samfélagslega ábyrgð í rekstri með því að samþætta efnahags-, samfélags- og umhverfismál við starfshætti bankans. Til að ná þessum markmiðum mun Landsbankinn marka sér stefnu í fjölmörgum málaflokkum,“ segir í tilkynningunni.

Fyrsti verkefnin sem farið er í samkvæmt stefnunni eru að hvetja starfsfólk Landsbankans til þess að nota vistvænar samgöngur, kolefnisjafna akstur og millilandaflug á vegum fyrirtækisins, að mötuneytið í höfuðstöðvum þess verði merkt norræna umhverfismerkinu Svaninum og að dregið verði úr pappírsnotkun í starfsemi þess.

• 2 blogg um fréttina

Bloggað um fréttina

• Gunnar Heiðarsson: Og hækka laun bankastjóranna !
• Sigurður Haraldsson: Búinn að taka ákvörðun!