Boðar samkeppni í fraktflugi

Bandaríska flugfélagið Delta Air Lines, sem ætlar að hefja áætlunarflug milli Keflavíkurflugvallar og Kennedyflugvallar í New York í júní, segir að með því  aukist talsvert valkostir inn- og útflutningsfyrirtækja hér á landi vegna víðtæks áætlunarkerfis flugfélagsins í Norður-Ameríku og öðrum heimsálfum.

Áætlunarflug Delta hefst 2. júní nk. og verður flogið fimm daga vikunnar að undanskildum þriðjudögum og miðvikudögum. Í tilkynningu frá Delta segir, að frá Íslandi flytji þotur félagsins t.d. ferskar sjávarafurðir, eldislax og -silung og aðrar útflutningsvörur til Bandaríkjanna og víðar.  Hingað muni Delta flytja m.a. neytendavörur, véla- og varahluti, ferska ávexti, grænmeti og margt fleira.

Umboðs- og vörumiðlun fyrir flugfrakt Delta er hjá Bláfugli ehf. en Airport Associates á Keflavíkurvelli annast losun og hleðslu vélar Delta.
 
Flugfélagið flýgur til 347 borga í 64 löndum í öllum heimsálfum og notar til þess 700 þotur.
 

• 1 blogg um fréttina

Bloggað um fréttina

• Haraldur Haraldsson: Boðar samkeppni í fraktflugi/flott að fá samkeppni ekki af verri …