1,1 milljarðs hagnaður Haga

Hagnaður Haga nam 1093 milljónum króna á síðasta rekstarári, sem lauk í mars, samanborið við 44 milljóna króna hagnað árið á undan.

Rekstrartekjur rekstrarársins námu 66.700 milljónum króna.  Hagnaður fyrir afskriftir, fjármagnsliði og skatta (EBITDA) nam 4384 milljónum króna.

Heildareignir samstæðunnar námu 21.830 milljónum í lok tímabilsins og eigið fé  3612 milljónum. Eiginfjárhlutfall félagsins var 16,5% í lok tímabilsins en skuldir nema rúmum 18 milljörðum króna.

Fram kemur í tilkynningu frá Högum, að lánasamningur félagsins, sem gerður var í október 2009,  kveði á um gjalddaga í október 2011, með tveimur framlengingarheimildum til allt að 24 mánaða í senn. Samið hafi verið um framlengingu til október 2012, með frekari framlengingarheimildum eins og kveður á í samningnum.  

Ný stjórn var kjörin á aðalfundi félagsins, en í henni eru Árni Hauksson, formaður, Erna Gísladóttir, Guðbrandur Sigurðsson, Hallbjörn Karlsson og Kristín Friðgeirsdóttir.

Árni, Hallbjörn og Kristín eru kosin ný í stjórn Haga í stað Péturs J Eiríkssonar, Steins Loga Björnssonar og Svönu Helen Björnsdóttur, sem voru í fráfarandi stjórn félagsins.
 

• 3 blogg um fréttina

Bloggað um fréttina

• Gunnar Heiðarsson: Ætti þá ekki að verða í vandræðum með að greiða …
• Hjörleifur Harðarson: já það er allt að fara til fjandans hjá fyrirtækjum
• Pálmi Hamilton Lord: 1.1 milljarður takk fyrir