Reynt að bjarga Grikkjum frá greiðsluþroti
Setja bókamerki
Unnið er nú hröðum höndum að því innan Evrópusambandsins að koma saman nýjum björgunarpakka fyrir Grikkland svo hægt sé að tryggja landinu nauðsynlegar lánafyrirgreiðslur í næsta mánuði og koma þannig í veg fyrir að það lendi í greiðsluþroti. Reuters-fréttastofan greinir frá þessu í dag.
Jean Claude Junckers, sem fer fyrir fjármálaráðherrum evruríkja, sagðist bjartsýnn á að það tækist að koma björgunarpakkanum saman eftir fund með Nicolas Sarkozy, forseta Frakklands. Fram kemur í frétt Reuters að háttsettir embættismenn hjá ESB hafi setið á neyðarfundi um helgina með grískum stjórnvöldum vegna alvarlegrar stöðu Grikklands.
ESB og Alþjóðagjaldeyrissjóðurinn (AGS) hafa sett það sem skilyrði fyrir frekari aðstoð við Grikkland að breið pólitísk samstaða náist um þær aðgerðir sem settar hafa verið sem skilyrði fyrir aðstoðinni. Sú samstaða hefur hins vegar ekki náðst.
Grískir íhaldsmenn, sem eru í stjórnarandstöðu, hafa meðal annars krafist þess að skattar verði lækkaðir gegn því að samþykkja aðgerðirnar sem ESB og AGS hafa farið fram á. Ríkisstjórn sósíalista hefur hins vegar ekki viljað fallast á þær kröfur.
„Einhverjir töfrar sem gerast“
Hagsmunir íbúa að leiðarljósi
Telja sig geta rekið Grindavík til 2026
„Allt í rusli“ við brúargerð á Vestfjörðum
Slasað barn fær ekki styrk vegna leigu á hjólastól
Komið „meira púður“ í viðræðurnar
Taldi betra fyrir drengina að deyja
