Kerfisáhætta vegna illa staddra ríkja

Grikkland, Írland og Portúgal geta valdið umtalsverðri kerfisáhættu fyrir evrusvæðið, að sögn Ítalans Mario Draghi, sem mun taka við af Jean-Claude Trichet sem seðlabankastjóri Evrópu síðar á árinu. Á aðalfundi ítalska seðlabankans í gær sagði Draghi að hætta á verðbólgu væri að aukast og að nauðsynlegt væri að taka upp venjulega peningamálastjórn sem fyrst til að koma í veg fyrir að verðbólguvæntingar festist í sessi.

Lagði hann áherslu á að skuldavandamál einstakra ríkja og banka gætu ekki dregið athygli evrópska seðlabankans frá því meginmarkmiði sínu að viðhalda stöðugu verðlagi. Ríkisstjórnir Evrópuríkja verði að koma böndum á rekstur eigin ríkissjóða, hversu erfitt sem það kann að vera þegar mörg þeirra eru enn að að jafna sig á afleiðingum fjármálakreppunnar.

• 1 blogg um fréttina

Bloggað um fréttina

• Ingibjörg Guðrún Magnúsdóttir: Hvað á Marino Draghi eiginlega við...