Halli á viðskiptum við útlönd

Viðskiptajöfnuður var óhagstæður um 48,3 milljarða króna á fyrsta ársfjórðungi samanborið við 58,4 milljarða óhagstæðan jöfnuð fjórðunginn á undan.

Fram kemur á vef Seðlabankans, að afgangur af vöruskiptum við útlönd var 24,5 milljarðar og 2,2 milljarða halli var á þjónustuviðskiptum. Jöfnuður þáttatekna var hinsvegar neikvæður um 70,5 milljarða króna.

Seðlabankinn segir, að halla á þáttatekjum á fyrsta ársfjórðungi megi eins og áður rekja til innlánsstofnana í slitameðferð. Reiknuð gjöld vegna þeirra námu 44,1 milljarði og tekjur 5,5 milljörðum Jöfnuður þáttatekna án áhrifa innlánsstofnana í slitameðferð var óhagstæður um 31,9 milljarða og viðskiptajöfnuður 9,6 milljarða.

Erlendar eignir þjóðarbúsins námu 4202 milljörðum í lok ársfjórðungsins en skuldir 14.272 milljörðum króna. Hrein staða við útlönd var því neikvæð um 10.070 milljarða og hækka nettóskuldir um 290 milljarða á milli ársfjórðunga. Að frátöldum innlánsstofnunum í slitameðferð námu eignir þjóðarbúsins 2515 milljörðum og skuldir 3.327 milljörðum og var hrein staða þá neikvæð um 812 milljarða. 

Vefur Seðlabankans

• 1 blogg um fréttina

Bloggað um fréttina

• Jenný Stefanía Jensdóttir: Sjá hversu illan enda, ódyggð og svikin fá!